Santo Domingo de los Tsa'chilas

9,10,11 y 12 de Enero 2008

BOLETIN DE PRENSA Nº 3

Marlon Santi  CONAIE tantanakuypak  Pushak.

Tukuylla shuklla shimi shina,  Ecuador Mamallaktamanta   kimsanti suyukuna  tantanakushpa (ECUARUNARI, CONAICE; CONFEINIAE) akllarkami Marlon Santi mashita  CONAIE jatun tantakuy  ukupak  mushuk pushak  aksharishka kima watata umapi kanka. Kay pushakta akshankapaka mana imapapish jarkaykuna tiyashkachu,  ashtawankarin  tukuylla runa llaktakuna  sumaklla tantanakushkakuna kan. 

CONAIEPAK WILLACHIK  KAMAYUK UKU
Kayachina anta: 085184132 / 088725773
www.conaie.org

BOLETIN DE PRENSA Nº 2

Ecuador Mamallaktata runa pushakuna, ima yuyashkata jatun pushaman yachachin

Kinsa niki CONAIE jatun tandanakuypi  runapushakuna tukuy willachikunaman kunan tutamanta kararka, maypini kutinllata yachachirkakuna, ima shinami sinchita makanakunkakuna tukuy pachamamata llakichishpa llankaykunata, ashtanwankari yana kuri shinallata yakumantapish,  mamallaktapa wiñay kawsay kashkamanta, Mashi Luis Macas conaieta kay pachakama pushak shinami nirka: kukuy pakamama ukupik kak kuna mana tukuy nukanchipak kakpi, mamalaktaka manara nucankikpachu.  Mamallakta ukupi jatun  runallaktakuna shinallata kinkinllaktaku kawsash kantikichirami niichun makanakushpami kutishun nirkami.
Willakunaman cay willakpi shukta shukta pushakunallawanmi karkakuna:  Luís Macas conaieta pushak, Jonson Cerda kinsa kiki CANAIE jatun tandanakuyta pushak, Jorgue Guamán pachakutik mamalaktata pushak, Pedro Morales mamakachikta killkak, Humberto Cholango ecuarunaritapushak, Auki Tituaña Cotacachi markata pushak, shimallata Domiengo Ankuash confenaieta pushak.
Pushak Luís Macas kay willachikpika tukuy runallakta shinallata kikin llaktaku sinchita wankurishpa kawsashpa katina kanchi nirkami, kay jatun tandanakuypi ñukanchik rikuchikunawan rikuchinakanchi.  Tukuymashnami minkapik Ecuador mamakamachikta ruwanakankik nishpami kayarka, kay rikuykunaka imashinami ruwarishka ña mana katina kan, shinallata mushuk allichik kuna ruwanakanchi, kay ruwayka tukuyma alli kawsayp rurarishkami kana kan.  Imashinami tarpuy allpakuna rakirishka kana charin rikuchirka, mana wakchakuna tiyachun, shinallata ama pachamama tukuchishpa katinchunkuna.
Kinsa niki CONAIE jatun tandanakuyta pushak Jonson Cerda, tukuy Ecuador mamallapi shinallata tukuy allpamapi kawsaykunata, pachamama tukuchikushkamanta shuk kayayta kararka, mana alli kawsay charishkamanta.  Chaymantami tukuy ñukanchi runakunaka tandanakushpa katinchinirkami mashi Cerda.   

BOLETIN DE PRENSA Nº 2

Ecuador Mamallaktapi  tukuylla runakunapak kawsaykunata  ari nichun, kimsa nikiy tantanakuypi    rimanakun.

Kinsa nikiy  Ecuador Mamallaktamanta llaktayu,  kikinllaktayukunapak jatun tantanakuyta  pushak tayta mamakunawan  kasharichispa sakirka, shinallatami karu mama llaktamanta kayachishkakunapash  skaypi karka.

CONAIE jatun tantanakuypak  pushak  tukuylla  tantanakuyman shamushkakunata yupaychani nirka, shinallata kay jatun tantanakuypimi  tukuylla ñawpaman pushakkunapak kay kimsa watapi llankashkakunata  tukuyllaman rikuchinka paykuna ali nishpa, mana ali nishpapash  kanka.

Tayta Macasmi nin. Kunan tantanakuypi mikayta shinashpak kawsaypak muyukuta tarpuna kanchik, mamallaktata sumakyachinkapak, kay llaktapi waranka waranki watakunata kawsaymanta. Gobierno nishka ñukanchik  mama tantakuyta  shinkanyachinkapak munakuktapash yalishpa, turi panikuna shina  pakta purinkapak.

Wawakunapash shamurka kay jatun tantanakuyman, shinashata warmikunapash, ashtawankarin Mama Junana Nenquimo Waorani runa llaktamanami 4 shimipimi willachirka imashi shina  paypak llaktakuna kawsaymanta makanakushpak shamun, imashina yanakurita, kurita, kiruta mana ari nikpipash apan. Kaymi runakunapak kawsaymanta jatarishun.

Humberto Cholango, chinchansuyumanta ñawpamana pushakka ninmi, “kay tantanakuyka  may mutsurishkami kan; CONAIE tantanakuyka kawsaypak jatarishkami kan, wakchata sakishkamanta kawsaypak jatarishka,  kati kati gobierno nishkakunata mana uyashpa.

Monica Chuji, Ecuador Mamallaktamanta Asambleísta nishkami, Alberto Acosta Asamblea Constituyente nishkapak pushak chaski kachamushkata   tukuylla tantanakushka runakunaman kilkay katichun.  Chaskpimi nikun “Asamblea tantanakuy ukupika  runakunapak jatarishpak paktachiskakunata sinchiyachinkapak kanchik” shinamantami  shuklla shina tantanakuna kanchik  nirka.

Acostapak chaski kachamushkapika nirkami, runakunapak jatarikkuna, ushaykunaka ninanta mutsurishkami  sapiyashka charikkunata jarkankapak, ashtawankarin kunan pachakutik punchakunapi. Runakunapak ñawpak yuyay, runa kawsaymi Ecuador  Mamallaktata achikyachinkapak ninan mutsurishka kan” nirkami.

Shinallata, Jonson Cerda mashimi kimsay niki jatun  tantanakuypak pushak tukurka, paymi yunkas llaktamanta kan, shinata katik pushakka sakirirkami Tayta Walter Awavil Tsa´chila runa, shinashata Ruth Peñafiel mi killkay kamayuk.

CONAIEPAK WILLACHIK  KAMAYUK UKU
Kayachina anta: 085184132 / 088725773
www.conaie.org

BOLETIN DE PRENSA Nº 1

TAMIY MAMAKA MANA TANTANAKUYTA JARKARKACHU.

Ecuador Mama Llaktamata kimsanti suyukuna: Antisuyu, Kollasuyu, Puna Suyu tantakurk  kanchis  pacha tutamanta shutikunata kushpa  kilkachinkapak kasharirka, ima shinami kikin mashi, shinallata rimay mashikuna,  rrikunkapak mashikuna, shinallata kayachishka mashikunapash.

Tutamanta tamyakunpipash runa mashikunaka chayamurjakunalla. Shinami   shutikunata kushka runakunaka   pusak  patsak runakuna tantankushkakuna kan.

Tayta Jaime Pilatuña,  Kitu kara  kiti runallaktamanta  Yachak Taytami Pachamaman mañaykunata rurakun, Tsa´chila runakunapak Jatun Yaya Hector Awavil  mashipash paywan paypakta kan,  shinallata tukuylla  runa llaktakunamanta Yachak Taytakuna tantakushpa   sumaklla kay kimsa niyki jatun  tantanakuy  kachun nishpa paykunapak  tukuy shunku mañaykunata pachamamata rimarkakuna.

Chayamushkami kan mashi Jorgue Guamán,  Ecuador mamallaktapi Pachakutikta ñawpan pushak,  paypak  llankashka pachapi ima rurashkakunata  tantanakuyman shamushka runakunaman willachinka, shinallata  Mónica Chuju, Ecuador Mama Llaktamanta Asambleísta nishkapash tantanakuypi kan.

Kimsa Niki CONAIE jatun tantanakuypimi runkunaka imshani Ecuador Mamallakta  sumak, llaki  kashkakunata rimanka,   chay jipami mushuk pushakkunatapash  akllanka  kimsa watata ñawpaman apachun.

Ecuador Mama llaktamanta runakunaka kay tantanakuytami chapariynakurka,  kaypi rimankapak  ima shina kay gobiernonishkamanta, shinashata karu  kuska kamachik ñankuna, ima shina  ñukanchik runakunapak kawsay  kanata, ima shina  tantanakuyta sumakyachishpa katinkapak.

CONAIEPAK WILLACHIK  KAMAYUK UKU
Kayachina anta: 085184132 / 088725773
www.conaie.org